WeCreativez WhatsApp Support
不論代購代運,自己買或者搵我地買,團友都歡迎問我地問題!我地會係營業時間內一一回答!
有乜想知,歡迎詢問!
brown_14_5_2017

拒絕落街幫人交租!教你用代購代運+注意陷阱


創業熊大blog 網購秘笈    

Comment

拒絕落街幫人交租!教你用代購代運+注意陷阱

【創業熊大】上個月有一個團友同我講佢急需要一隻叫MK2529既Michael Kors 錶母親節用,根據佢所講,呢對野係信和買/訂要HKD2300,但其實呢件貨係美國網站Amazon.com只係賣緊USD175,搵我地代購只需要HKD15xx左右,代運有機會更抵。佢同我講,佢問左AMAZON賣家唔寄香港,所以一度想放棄購買,但佢好明顯唔知道代購網站好似SunMarket咁係為左呢類原因而存在。好彩團友係信和買野前好彩先詢問意見,唔係就幫信和某某公司交租了,做一個客賺HKD$1000,fatfat啦。

今日就同大家正式講解下乜叫代購乜叫代運吧。

913KLhXf5GL._UY679_

信和賣2200+ 既MK錶

代購的意思?

代購,故名思議就係代客購物既意思。團友可以俾一幅圖/一條Link/一件貨名俾代購者,代購者如我地SunMarket就會諗辦法幫你從買家手上代買。如果賣家係香港公司/人的話,當然唔太需要代購,但如果貨品地點係外國如美國英國日本,而佢地唔肯直寄香港或運費極昂貴(有時買本書佢運費都會set HKD200+,其實佢根本唔想做你生意),代購就係你既不二之選。一般代購可以幫你購買外國既大部份貨品並以比較低的價錢運回香港,視乎大小及購買難度,收費連運費由幾十到幾百都有,一些代購更可以幫你直接到該商店購物(日本好多,價錢亦不算太貴),一些更可以幫你運如香水噴霧之類的危險品。

團友要做的,可能就單單只是Facebook inbox/Whatsapp/網頁落單問價 -> 價岩入數 -> 等貨到 -> 取貨,要隔山買牛,搵代購無難度

搵代購要注意什麼?

市面上代購公司眾多,但網上購物一向陷阱危機處處。團友需要多加注意

download

不肯退款: 坊間有些代購公司不支援直接退款,只能夠委託他們去買其他貨品,當團友沒有其他貨品想買的時候就麻煩了
額外收費注意: 有些公司會係交易時以”貨品太大件”,”貨品價錢有變”等為由收取額外費用,一般公司會寫明貨品價錢如有若干變動即不會購買商品,有些公司不會寫明,貨品到了才說加收,團友只能無灰付款
拖延貨品到貨時間最後消失: 由於代購門檻不高,亦沒有管制協會,往往有些害群之馬,例如說會幫你代購A&F/Hollister 官網貨品,到最後就消失。別以為消委會/海關可以幫你,只要受影響的人數不多或金額不夠大,你未必能伸張正義的,以前亦聽過有人搞個page代購,原來只是拿錢來買毒品,胡亂貪平的話,麻煩只會更多
假貨注意: 某類公司更會開張明義賣淘寶貨或溝貨賣,即使貨到了團友取貨時,代購一方企硬團友還是沒辦法的,請務必記住找海關之類的真的沒用,與其貪平中招不如找一些比較可靠的代購

總結: 要代購就找一些可靠公司,勿純因價錢而找一些不知名公司

溫馨提示: 我的公司SunMarket亦有提供相關服務,有乜野想要禁上右上角既搜尋器啦~

代運的意思?

代運,亦即轉運,淘寶愛好者會稱為集運,就係代理運貨既意思。如果團友既工作係做Shipping之類的話,想必有聽過由美國/英國之類運東西來香港運費可以是多麼的貴,而代運的原理就是公司提供你一個虛擬外國地址作購物之用。團友在外國網站購物的時候可以選擇寄往該地址,外地的倉庫收到貨品後就會寄過來香港並派發,價錢有平有貴,有百多二百元直接送上門的,亦有二十多元一磅但需要你往自提點/智能櫃取貨的,全程自行操作,代運公司只是提供倉庫給團友寄貨,還有提供個地址取貨而已,熟了後就會跟你在中國淘寶一樣方便

搵代運要注意什麼?

download (1)

要說的話,代運的陷阱絕對代購多

材積重 VS 實重: 這個是團友絕對要注意的,坊間大部份的代運/貨運公司都會根據一個材積重vs實際重(Volumetric Weight vs Actual Weight),這絕對是史上代運第一大陷阱,不少公司會跟你說一磅只需要HKD$1x,但後面就寫明是Volumetric Weight vs Actual Weight收費,除非團友是運紙張,否則絕大部份時間代運都必收團友Volumetric Weight材積重,少則比實重重一倍,多則重兩倍,有關咩係Volumetric Weight vs Actual Weight可以參考我之前的文章,總之用這個玩法很易令團友購買大失預算,亦是我公司專注避免既地方

英國日本實重代運轉運服務啟用!!

賠償問題: 跟代購不同,由於代運服務賺的單個金額不及代購多,很多時間就是貨品不見了亦會出現賠唔足情況,例如我公司只會賠償最多100美金,所以代運前團友應先留意貨品金額
貨期穩定度: 因為地理環境因素,坊間很多代運公司並不會使用Fedex/DHL之類熱門的貨運公司,取而代之是直接找國泰之類的安排航班運回來(當中有70%貨其實是轉往中國),所以比起Fedex,一般貨期唔會太準,雖然平但質素亦可以很參差(大陸公司嘛),平有平的好,貴也有貴的好,所以一些公司如我們SunMarket都會提供Fedex/航空公司貨運給大家多個選擇
賣家拒絕發貨: 由於團友所得到的虛擬地址是多人同時擁有的,一些只接受美國私人地址的賣家如Nike US, Reebok US, A&F Hollister等並不會接受團友輸入的地址,預計這類情況還是找代購比較實際
假賣家: 不要以為eBay/美國沒有假賣家,不少團友反映給我們他們也有中招的經歷,假賣家除了賣貨唔寄貨一招外,一些仲會寄淘寶貨給你當完成交易,就像當年風行香港既RayBan眼鏡災難,最好的預防方法是看看網站有沒有專屬Social Media Page,或看看它的網址是否奇奇怪怪
信用卡有機會盜用: 無可避免地,網上使用信用卡絕對會有被盜用的危險,團友如果不想被盜用的話還是使用代購的好,或者勤Check 月結單,咁就萬無一失了
取貨點問題: 坊間有唔少公司聲稱佢地有好多好多取貨點,但其實9成取貨點都係一些無相關的公司,佢地只係單單負責派貨,質素成疑之餘對代運事情亦是一無所知,危害處處,建議還是使用一些智能櫃服務較好

希望上面幫到團友揀合心水既代購代運同理解多D佢地既意思吧,當然賣個廣告都要,SunMarket係上面層面上絕對是最安全的啦!去申請個免費代購/代運賬戶再慢慢諗吧!

Leave a Reply

Your email address will not be published. Required fields are marked *

Loading...

資訊應該還算有用吧...?


我們主要使用Fan Page提供團友大量英美日網購貨品教學及優惠資訊
除了一般代購及轉運服務外,
更有海量團友限定獨家優惠!
請務必Follow我們Fan Page 得到最新資訊

 

Facebook By Weblizar Powered By Weblizar

(其格只會出現一次,如有不便敬請原諒)