好多人問A&F同HOLLISTER到底搵咩代運買好，我就直接係呢度講下關於呢兩間野=同一集團的代購事吧。是咁的，如果大家係嘗試搵代購去美國買呢兩間公司既官網買野，間代購應該一係就貴到喊出黎，9成9更加係直情唔做，點解呢？係咪佢地真係咁矜貴？

係行內，呢兩間公司基本上係不能被接觸的區域。全因為佢地個網購系統嚴既程度舉世無雙。個地址買多幾件又BAN，買多幾次又BAN，理得你係私人定商業地址，總之就砍砍砍砍砍。砍到你都唔敢再買。

到底係邊個寫D咁變態既系統呢？係2006年，A&F為左保護自家品牌係唔同國家既唔同價錢，聘請做前FBI既IT SPECIAL AGENT，並研發出今時今日既無敵砍單系統(係真.FBI,無老吹)，務求令所有想執平貨既人(特別係華人)乖乖番自己國家買貴野。
無他的，A&F係美國只係一個普普通通休閒品牌，去到香港，就變潮人貴價貨，我地香港人有時就係盲目追求D其實唔太等使既野，當你對住美國佬著A&F以為好巴閉的時候，你就已經輸了。美國肯寄外國既休閒品牌有好多。A&F旗下品牌就算把啦。亦唔好期望有任何代運地址做到了。