WeCreativez WhatsApp Support
不論代購代運,自己買或者搵我地買,團友都歡迎問我地問題!我地會係營業時間內一一回答!
有乜想知,歡迎詢問!

GNC 美國官網商品推介 Top 3

GNC 優惠情報
下載
SunMarket 代團購優惠:
GNC 折扣團已完結!團友亦可以隨時找我們進行代購!
http://j.mp/1pbusnX
(工作時間內可 Wtsapp落單93739130) 亦可以考慮使用我們的代運轉運服務

GNC 美國官網商品推介+落單教程

GNC 官網

立刻代購

今天的路 險阻滿途 爭取領前 就要敢跨出腳步!相信唔少香港人都一定睇過聽過呢個GNC廣告,但到底GNC到底點樣陪你行每一步呢? 相信又唔係個個知wo。唔緊要,得到幾個月其他團友係GNC購物所得既經驗之後,今日就等團長嘗試介紹一下團友最愛Top 3 產品到底有幾咁抵都幾咁健康啦!(記住GNC成日都會有限時優惠架,成要個好價就多D留意我地SunMarket喇)

相關文章:

GNC 3折葡萄籽!USD$ 9.99 就買到!

Top 1) 葡萄籽精華 GNC Herbal Plus® Grape Seed Extract 300MG (USD 33.99,每月優惠時USD9.99 請留意我們的Facebook Page何時推出優惠)

18527712_1756036354411651_3000084754708012864_n

http://bit.ly/2yrvQMN

話呢件貨係GNC 美國官網鎮店之寶相信冇乜團友會唔同意。以植物黎講,葡萄籽就係最高效抗衰老既抗氧化劑之一,打氧化效果係維生素C同E既50~70倍,亦有效提高人類免疫力。而葡萄籽精華(Grape Seed Extract)更可以用於維護微絲血管同對抗遊離基既效果(即對抗老化),被譽為皮膚維生素

作用:

– 保護心血管及預防高血壓
– 抗輻射作用
– 抗過敏(尤其對花粉症有效)及抗炎症

適合人群

– 常疲勞,易感冒,易過敏
– 煩燥易怒,頭昏乏力,記憶力減退
– 體質虛弱
– 有過放射治療,化療,受輻射者

價格:香港購買一般需要HKD210+,外國網購在優惠時只需USD9.99,代購的話一般才HKD140左右

Top 2: 月見草油精華 Women’s Evening Primrose Oil 1300mg

 (USD 24.99,每月優惠時USD14.99 請留意我們的Facebook Page何時推出優惠)

22046906_1924971534184798_3432543436251686052_n

http://bit.ly/2yvijWE

可以幫助女性緩和更年期或經期不適,亦可以保持良好柔湖滑皮膚質素,緩和情緒等等,是女性美國網購GNC時必買首選。

適合人群

– 任何年齡女性
– 特別是經期間情緒非常不穩的女性

作用:

– 保養皮膚/眼睛及指甲
– 穩定情緒
– 抗高血壓及心血管疾病
– 減低糖尿病機率

價格:香港購買一般需要HKD400+,外國網購在優惠時只需USD14.99,代購的話一般才HKD181左右

Top 3: 維骨力GNC TriFlex™

0004810709730_A

http://bit.ly/2yoCwO9

最近地鐵廣告好似都在主打既GNC Triflex (如有錯請指正),含有葡萄糖胺+軟骨素+透明質酸,有助刺激軟骨細胞增長,緩和關節疼痛,潤滑關節之效。

適合人群

– 任何有關節問題的人仕(退化性關節炎等等)
– 特別適合年長人仕

作用:

– 改善環節不適問題
– 保拎關節接連組織正常
– 潤滑關節

價格:香港購買一般需要HKD500+,外國網購在優惠時只需USD35.99,代購的話一般才HKD352左右

 

總結

首先團友應該僅記此乃保健產品而非醫療用品,雖然有臨床實證,卻沒有醫學認證,團友應該將呢類產品視之為健康輔助品。然後,從價錢上的分野就可以知道,自己去美國購買/找代購買比自己在香港門市購買便宜多倍。要知道保健品是需要長期服用才能收到效果,本月省200,一年就省2400了,聰明的團友們應該都會選擇如何入手吧!? 記得在做大優惠的時候購買喇,多點留意我們的Facebook 消息吧

下次團長將會教大家如何落GNC 單最聰明!!

Published by:

代運秘技(二) – 點樣申請Debit Card (下)

blog_7_3_2017 代運雜談    

代運秘技(二) – 點樣申請Debit Card (下)

承接

代運秘技(二) – 點樣申請Debit Card (上)

上回解釋左點樣去eBay bid 張美國Debit Card 番黎,今次就同大家探討下方法二)去有出Debit Card既網站申請。

首先,補番上次少少野先,原來我從來冇提過乜野叫Debit Card… Debit Card(借記卡),簡單D黎講就係要你入錢落去先可以用既卡,呢張係唔可以負錢既(有D公司可以啦… 但肯定唔會你而家想申請果張),用晒D錢就冇,要增值美國Debit Card 既話通常需要幾%手續費。

提供呢類Debit Card 既網為數雖然唔多,但都算有唔少選擇,申請方法同其他野大同小異,但要小心留意你要買野個網係咪會Check你 Billing Address (後面會講)

1) https://www.usunlocked.com/ (初學者推薦使用)
2) https://www.payoneer.com/ (無美國朋友肯幫你收確認信的話申請美國Billing Address 有難度)
3) https://www.netspend.com/ (高手向,需要美國IP,美國電話號碼同美國收信地址)

唔知各位買野有冇試過出ERROR 彈一句 AVS mismatch… AVS 其實全名係 Address Verification System…
係用黎驗證你張信用卡既Billing address 既,防止有人盜用你信用卡,香港所有信用卡都冇呢舊野,美國同UK都有,所以你要買野個網如果”一定”要係用US billing address credit card 既… 你申請debit card 時就一定要一個us billing address。以我所知,usunlocked 係公認過到AVS check 既debit card,申請非常容易(雖然冇實體卡喇),仲可以用Western Union 之類入錢,申請方法就唔講喇,自己發掘下吧~

只要你有張Debit card 在手,billing address 又要係美國既,基本上你就等於有一張美卡係手喇,但有美卡都唔代表無敵,要係美國買遍天下無敵手,除左要有美卡外,仲需要一個美國私人地址,但信我吧,用得AVS check 既公司,有5成都唔會再睇你係私人地址定代運倉地址,所以起碼在購物方面多了不少選擇吧!

最後請記住,你呢張卡絕對唔係免費,增值要錢,仲要係3~5%,係咪真係有必要要多張Debit Card 呢? 自己決定吧!

你有想問的問題嗎? 速速INBOX我吧~ 我唔直接答你,我會出POST答你~!

Published by:

代運秘技(二) – 點樣申請Debit Card (上)

blog_6_3_2017 代運雜談    

代運秘技(二) – 點樣申請Debit Card (上)

算喇… 有睇連登既朋友都應該知道,我曾經因為無聊係連登開左個POST,分享下自己代購既經歷,答下人有關代購問題。小弟雖然不才,但都因為受到網友厚愛,個帖已經到左1001,仲收到唔少網友因為見1001左問唔到野直接黎呢度PM我,咁我就直接係度答下你地問題吧。

早兩日有人問我申請美國Debit Card既問題,我就先講少少背景。事緣好似係好耐好耐之前,美國信用卡其實唔難申請既,賺錢架嘛。直到有一日,拉登用架飛機一野撞落WTC之後,美國政府就禁令,唔俾銀行再亂發Credit Card俾外國人,基本上你要一張美國卡,就一定要有社會安全碼,理得你係咪美國讀書,一開始頂多都只能夠俾張Debit Card你玩下。

咁申請美國Debit Card又關網購乜鬼野事呢?是咁的,因為呢個世界唔係個個網站都鍾意自己既貨隨隨便便運去外國(表表姐係搵FBI做砍單主管既Hollister/A&F),呢類網站有兩種:

A) 理得你用美國私人地址美國信用卡,連買幾次就砍你單,再將你地址放入Blacklist 一世唔做你生意
B) 我都係怕你洗黑錢姐… 你乖乖地肯用張美國卡找數,我咪賣俾你囉

遇上A) 既網站,小弟就一向避之則吉,但係B) 呢,就的確可以用Debit Card 方法試下...問題黎喇,Debit Card 到達點申請呢~?

方法有二

1) 去eBay bid 張不記名debit card番黎用 (最易,但小心買錯)
2) 去有出Debit Card既網站申請
3) 擁有一百萬資產搵HSBC申請一張美國信用卡 (有一百萬就唔洗自己代運吧,故可以不理)

戴左頭盔先,無論係1)定2),小弟都好少用,因為小弟覺得呢類方法太麻煩,自己又係個唔鍾意麻煩野既人。
今次講小小 1) 先… 聽日先講 2)

1) 首先去 eBay 搜尋 prepaid card US VISA (我本人就用呢個關鍵字啦)

2

2) 搵下有冇Prepaid Visa Card/Master Card

1

3) 呢類卡通常會比佢FACE VALUE 貴(亦有差唔多的啦,自己捕下),留意下佢係咪reloadable

3

4) 最好去番佢prepaid 卡網站,最後EMAIL下佢地客服,Register洗唔洗SSN (社會安全碼),要既就唔好試,唔洗既,值得一試,頂多只係叫個美國FD打去佢網認證一次

5) 買得,求其搵個代運運番黎就用得了。

美國D Cards 好鬼靚架… 我係度奉上一張我自己既

至於第二個方法同其他野,聽日再講吧,你地有乜野都歡迎直接inbox 我啦

Published by:

點解唔運得香水=第九類危險品?

blog_2_2_2017 代運雜談    

如果Note 7係C4塑膠炸彈,香水就係潛在液態炸彈。

就算一向無玩代運既你,只要有一般常識,都會知道有D野係唔可以寄既,Note 7同香水類易燃液體就係其中一樣。因為我公司就最擅長運呢類野(但Note 7我都運唔到),所以今日就略略提提點解運呢D野咁麻煩。

香水又好,指甲油又好,油漆都好,都屬於第九類危險品(Miscellaneous Dangerous Goods),其實唔係唔運得,只不過係非常之麻煩。例如如果你係美國買香水既,你要運香水,你既貨品一定要同普通貨品分開處理,除此之外,更有可能要重新包裝,標記同埋再填一大堆相關文件,聽到都煩,就算做到咁,到左香港外,9成9仲要經過埋海關拆箱驗貨,水蛇春咁長既程序,邊個會去做?

坊間有D代運係禁寄物品一欄只係輕輕帶過自己唔可以運,搞到D客以為運一兩件無所謂,唔好以為真係冇事,一經捉到,首先你件野就一定會被沒收,然後幫你運既公司會同你劃清界線,咁根據香港法律,最高可被罰款$250,000同監禁兩件。唔好以為你好有Guts唔怕罰錢坐監就好威威,一支/堆香水搞到成架機增加爆炸風險一D都唔好玩囉,固體炸彈Note 7都唔俾上機啦,你液體唔處理好,成隊Crew就多得你唔少了。

呢個世界應該冇人想搭飛機時你隔離有人拎部Note 7出黎影相吧?大家都唔就算唔係搵我地做香水/危險品代運都好,都唔好因為貪平搵擺明唔運得既公司運呢類貨品,為人地為自己喇。

下次講下代購好笑事~

 

Published by:

A&F x Hollister x FBI !?

hollister 代運雜談    

好多人問A&F同HOLLISTER到底搵咩代運買好,我就直接係呢度講下關於呢兩間野=同一集團的代購事吧。是咁的,如果大家係嘗試搵代購去美國買呢兩間公司既官網買野,間代購應該一係就貴到喊出黎,9成9更加係直情唔做,點解呢?係咪佢地真係咁矜貴?

係行內,呢兩間公司基本上係不能被接觸的區域。全因為佢地個網購系統嚴既程度舉世無雙。個地址買多幾件又BAN,買多幾次又BAN,理得你係私人定商業地址,總之就砍砍砍砍砍。砍到你都唔敢再買。

到底係邊個寫D咁變態既系統呢?係2006年,A&F為左保護自家品牌係唔同國家既唔同價錢,聘請做前FBI既IT SPECIAL AGENT,並研發出今時今日既無敵砍單系統(係真.FBI,無老吹),務求令所有想執平貨既人(特別係華人)乖乖番自己國家買貴野。
無他的,A&F係美國只係一個普普通通休閒品牌,去到香港,就變潮人貴價貨,我地香港人有時就係盲目追求D其實唔太等使既野,當你對住美國佬著A&F以為好巴閉的時候,你就已經輸了。美國肯寄外國既休閒品牌有好多。A&F旗下品牌就算把啦。亦唔好期望有任何代運地址做到了。

Published by:
Loading...

資訊應該還算有用吧...?


我們主要使用Fan Page提供團友大量英美日網購貨品教學及優惠資訊
除了一般代購及轉運服務外,
更有海量團友限定獨家優惠!
請務必Follow我們Fan Page 得到最新資訊

 

Facebook By Weblizar Powered By Weblizar

(其格只會出現一次,如有不便敬請原諒)