WeCreativez WhatsApp Support
不論代購代運,自己買或者搵我地買,團友都歡迎問我地問題!我地會係營業時間內一一回答!
有乜想知,歡迎詢問!
blog_1_3_2017

創業雜談(五) – 十項全能


創業雜談    

創業雜談(五) – 十項全能

我諗有留意開我公司既都知道… 公司大廈由於有瑪莉奧撞爆咸水管既關係,成幢大廈停電,咁岩又有100磅野又運過黎(其實仲有其他),搞到公司被逼停業兩日...外在既野都算,點知自己寫既網頁又中左個類似Bug既物體,時光倒流24小時...搞到咁,一般人應該喊住過,我就笑住去過,點解?因為經歷實在太多...用左半日時間,自行詢問Google神解決問題了。

認識我既人都知道,我其實係讀會計出身的,電腦程式野嘛...唔可以叫完全唔識,不過一定唔夠我整一個商業網頁出黎,咁今日你睇緊既呢個網頁到底係點黎既呢?無架,拜Google神為師囉,學藝9個月,寫得爛唔緊要,買/下載人既Source左改右改,整下整下咪整到而家咁囉!

趁呢個機會,等我幻滅一下大家做老闆既憧憬吧?我諗呢個世界一定會有人以為做老闆可以俾錢推D自己唔識既野俾其他人做(即係請人),除非你有7位數字流動資金係手,否則我勸你試都唔好試。

我諗大家都應該有稍為研究過我既寄賣網站 http://www.sunmarket.com.hk/。介面成日有Bug,每每改一D野都好大工程,加一件貨比你所想像中更難,我諗難用程度係客人都感受得到的… 而一個咁既網站竟然花費左我15萬個大洋(未計我準備既器材,請人),最討厭都係有時某D後台簡體字介面,一看就知係強國IT人做既好事… 好了,出事了,想改東改西,又話要收我6位數字,Bug與要修正的問題無限,但金錢有限… 結果基本上就是被荒廢了,而家各位見到既網頁,基本上就係我想修正/新增既野既完成品...

無賺大錢,想親力親為又搞唔掂,食屎架...
無賺大錢,又唔想親力親為...屎都冇得你食呀...

大家應該見過千千萬萬間開完又執執完又開既飾物店(太子聯合廣場2/F 極多),佢地既負責人大多只能隨便入一批貨,再請個人,以為$$就袋袋平安,創業順利,點知就蝕到入肉離場.

創業,唔一定要樣樣出眾,但一定要親力親為,一定要十項皆能(全能更好),
曾經以為一盤生意只需要有一個Sales 一個IT 就夠,最後拆夥。(在此容我再呼籲一句,個人認為做生意一人最好,兩人嫌多,三人危險,四人必敗)
曾經以為只要俾錢就可以做到自己唔識做既野,最後蝕幾十萬離場。

創業中/打算創業的人,你們又是十項全能嗎?

Loading...

資訊應該還算有用吧...?


我們主要使用Fan Page提供團友大量英美日網購貨品教學及優惠資訊
除了一般代購及轉運服務外,
更有海量團友限定獨家優惠!
請務必Follow我們Fan Page 得到最新資訊

 

Facebook By Weblizar Powered By Weblizar

(其格只會出現一次,如有不便敬請原諒)