WeCreativez WhatsApp Support
不論代購代運,自己買或者搵我地買,團友都歡迎問我地問題!我地會係營業時間內一一回答!
有乜想知,歡迎詢問!
blog_9_2_2017

網購秘笈(二) – 小心虛偽網站賣家


網購秘笈    

網購秘笈(二) – 小心虛偽網站賣家,做個聰明網購家

唔知大家仲記唔記得大概兩年前,香港發生過一單網站賣假Rayban事件。
http://hk.apple.nextmedia.com/news/art/20140222/18633972

其實就算係網購都好,呃錢花招一樣多,有D仲要係你估佢唔到(所以呢個都係代購既存在意義),今次就分享下俾大家知我地係點分網站真偽。騙徒手法層出不同,希望呢個post幫到大家分辨真偽。

以下以100%虛偽網站 shoecheapest.com 為例,希望呢個網可以捱到幾個月等我呢一頁無咁快變死link。

一) 佢有好多好多超受歡迎貨品,而且價錢冠絕全球

人類總係貪便宜既,而唔係玩開網購既香港人就係呢班騙子眼中既小白羊。好多人以為自己執到寶,見到Nike Kobe XI Elite 只係賣緊 45英磅,有價有碼,就即係以為自己執到筍貨狗衝,情況就好似師奶落堔圳見到xxx波衫100蚊3件好平要買俾寶貝仔一樣,諗都唔諗去馬。其實限量版 + 有價有碼基本上已經係第一個騙子Flag了。

網上騙案

二) 佢有超多付款渠道,同超多商戶合作

其實又唔係每個網有價有碼都係假野既,呢個時候你都可以諗下自己係咪真係執到貨,但要唔要落單,就梗係睇真D先。通常強國既仿美國網都有一個共通點,就係佢唔知點解乜卡乜付款方法都收,如果你買果個網係咁(通常係晒係頁底),咁就係第二個騙案Flag

網上騙案

三) 佢無Social Media Site

咁呢個世界又真係可能有網站有價有碼又有完善既Payment method 呢?呢個時候最基本就應該Check下佢有冇Facebook IG喇。係今時今日,一般零售網站無番個fb page/IG/Twitter真係唔太洗出黎搵食,但就算只係買like都好,要急急咁起個多like 既page出黎都係唔易,要買得安全,個網無番個Social Media Site既話就真係唔洗諗了。

呢個網只係將你Direct去facebook首頁,大家都知發生乜事喇

呢個網只係將你Direct去facebook首頁(左下角),大家都知發生乜事喇

四) 佢Trust Rating 奇低

人類總係抱住”無事既無事既”既心態,覺得可能都係因為呢個網岩岩開頁開唔切FB姐。咁連上面果D野都唔可以令你放棄時,點算好?Google幫到你。立刻將佢個網名 + Scam 搜尋一次,睇睇各大Scam Analyse site 有乜結果,你就可以正式放棄係呢個網站買野了

假到你唔信

五) 佢Amazon/Ebay rating 奇低/0

咁好啦好啦我唔去野網站買野喇,Amazon/Ebay得喇掛?唔好意思,一樣有陷阱,最簡單既認知方法就係睇Rating,雖然eBay/Amazon好在會因應你個案賠償,但信我,你唔會想中招的。睇見Just Launched的,基本上你已經可以放棄的了,記住記住唔好抱好運心態

唔會買JUSTLAUNCHED賣家囉

其實我地呢D代購代運網,好多時都會答個網買唔買得既問題的,因為賣家Just Launched而拒絕幫手買的,我地都試過好幾次,事後都有感謝我地。當大家連上面既野都懶做的話,至少就聯絡我地問問吧,希望大家買得開心喇。

下次有機會再講講更多回避騙子@amazon/ebay手法吧

做個精明買家!

Loading...

資訊應該還算有用吧...?


我們主要使用Fan Page提供團友大量英美日網購貨品教學及優惠資訊
除了一般代購及轉運服務外,
更有海量團友限定獨家優惠!
請務必Follow我們Fan Page 得到最新資訊

 

Facebook By Weblizar Powered By Weblizar

(其格只會出現一次,如有不便敬請原諒)